सोलापूर - विविध बँकांमध्ये बँक मित्र म्हणून काम करणाऱ्या सोलापुरातील जवळजवळ 100 बँक मित्रांनी आज त्यांच्या मागण्यासाठी पुनम गेट सोलापूर येथे कामगार दिनाचे औचित्य साधून मागणी दिवस व धरणे आंदोलन केले बँक मित्रांना मिळणारे कमिशन त्यांना आवश्यक असणाऱ्या सेवाशर्ती तसेच इतर बँक कर्मचाऱ्यांप्रमाणे सर्व सुरक्षा मिळाव्यात  इत्यादी मागण्यासाठी आंदोलन करण्यात आले. बँकिंग क्षेत्रातील सर्वात बलाढ्य अशी संघटना ए आय बी इ ए यांच्या नेतृत्वाखाली व महाराष्ट्र स्टेट बँक एम्प्लॉईस फेडरेशन यांच्या मार्गदर्शनाखाली हे आंदोलन पार पडले. 

या आंदोलनात मार्गदर्शन करण्यासाठी युनायटेड फोरम ऑफ बँक युनियन चे जिल्हा समन्वयक कॉम्रेड सुहास मार्डीकर, महाराष्ट्र बँक युनियनचे ऑर्गनायझिंग सेक्रेटरी कॉम्रेड संतोष चित्याळकर, तसेच राज्य सरकारी कर्मचारी संघटनेचे निमंत्रक कॉम्रेड अशोक इंदापुरे, महसूल कर्मचारी संघटनेचे अध्यक्ष काँग्रेस शंतनू गायकवाड,  संयुक्त  कामगार कृती दल समिती चे अध्यक्ष अॅड. एम एच शेख, रेल्वे माथाडी कामगार संघटनेचे कॉम्रेड रमेश बाबू, बँक ऑफ इंडिया एम्प्लॉईज युनियनचे जनरल सेक्रेटरी कॉम्रेड औब्रि अलमेडा, महाराष्ट्र बँक रिटायरिज असोसिएशनचे कॉम्रेड प्रसाद आतूनुरकर, महावितरण कर्मचारी संघटनेचे काँ कोल्हे इत्यादींनी मार्गदर्शन केले.

आंदोलन यशस्वी करण्यासाठी सचिन काळे, सचिन संकद कॉम्रेड सोमनाथ ऐवळे व इतर कॉम्रेडसनी महत्त्वाचे योगदान दिले या आंदोलनात बँक ऑफ महाराष्ट्र बँक ऑफ इंडिया व स्टेट बँक इत्यादी बँकेतील अनेक बँक मित्र सहभागी झाले होते आंदोलनानंतर माननीय निवासी जिल्हाधिकारी यांना निवेदन देण्यात आले

सोलापूर - भाषिक अल्पसंख्यांक शैक्षणिक संस्था असणाऱ्या पद्मशाली शिक्षण संस्था संचलित सर्व प्राथमिक, माध्यमिक व उच्च माध्यमिक विभागातील शिक्षकांचे विविध मागण्यासाठी एक मे महाराष्ट्र दिनापासून आमरण उपोषण सुरू करण्यात आले.

प्रशासनातील अधिकाऱ्यांच्या दिरंगाईमुळे , प्रशासन अधिकारी प्राथमिक शिक्षण मंडळ मनपा सोलापूर तसेच माध्यमिक शिक्षणाधिकारी जि. प. सोलापूर  व शिक्षण उपसंचालक पुणे यांच्याकडून होणाऱ्या कार्यालयीन दिरंगाईमुळे प्राथमिक, माध्यमिक व उच्च माध्यमिक शिक्षकांचे वैयक्तिक मान्यता व शालार्थ ID यांसारख्या विविध मागण्यांसाठी शिक्षकांनी सोलापूर जिल्हा परिषदेतील पूनम गेट येथे आमरण उपोषण सुरू केले.

सदरचे आमरण उपोषणास बालाजी लोकरे, विनायक बिराजदार,  सागर दूर्गी, अमर पवार व नागनाथ गिराम  सौ सपना मोरे  सौ सुजाता भैसे आदि शिक्षक बसले असून संस्थेतील इतर 34 शिक्षक हे चक्री उपोषण करणार आहेत. अशा प्रकारच्या अधिकाऱ्यांच्या ठिम्म कारभारामुळे शिक्षकांचे कुटुंब देशोधडीला लागत आहेत. 

याच प्रकारची कार्यालयीन उदासीनतेमुळे महाराष्ट्रातील अनेक शिक्षकांनी आत्महत्या केलेली आहे. वर्षानुवर्ष अधिकाऱ्यांच्या टेबलावरून फायली हलल्या जात नाहीत. अशा प्रकारच्या अधिकाऱ्यांच्या नाकर्त्यामुळे शिक्षकांना आमरण उपोषण करण्याची वेळ आलेली आहे.

सदरच्या उपोषणासाठी अनेक लोकप्रतिनिधींनी , शिक्षक संघटनांनी, विविध सामाजिक संघटनांनी व पालकांनी या उपोषणासाठी पाठिंबा दिलेला आहे.

सोलापूर - दिनांक 09/04/2024 रोजी लोकशाहीर अण्णाभाऊ साठे चौकातून डॉ बाबासाहेब आंबेडकर पुतळा पर्यंत विविध संघटनांकडून रॅली काढून शेवटी रॅली चे रूपांतर जेलभरो आंदोलन करण्यात आले. यामध्ये बहुजन क्रांती मोर्चा, भारत मुक्ती मोर्चा, राष्ट्रिय परिवर्तन मोर्चा आणि राष्ट्रीय पिच्छडा वर्ग मोर्चाचा सहभाग होता.

या आंदोलनात प्रमुख मागण्या या खालील प्रमाणे - 

1) बहुजन महापुरुषांचा सतत षड्यंत्र करून अपमान करणाऱ्या RSS आणि BJP च्या विरोधात

2) केंद्र सरकारच्या वतीने ओबीसी ची जातीनिहाय जनगणना करण्याच्या समर्थनात

3) लोकशाहीला धोका असणाऱ्या Evm मशीन चा वापर करून लोकशाहीतला मताचा अधिकार शून्य करणाऱ्या एलेक्शन कमिशन च्या विरोधात

4) बिहार गया येथील महाबोधी महाविहर ब्राह्मणाच्या ताब्यातून काढून बौद्धांच्या हाती देण्यासाठी

5) वकफ कायद्यात सुधारणा करून मुसलमानाच्या धार्मिक अधिकार वर गदा आणन्याच्या विरोधात

यावेळी युवराज पवार, फारुक शेख, योगेश शिदगणे, फिरोझ शेख, ॲड. तुकाराम राऊत, महेश्वर निकंबे, चंद्रकांत फडतरे, प्रशांत गायकवाड, महादेव रणधरे, महेंद्र सोनवणे, भारत दळवी, शोभा गायकवाड, धनश्री शिदगणे, मनीषा सातपुते इत्यादी महिला आणि कार्यकर्ते, पदाधिकारी मोठ्या संख्येने उपस्थित होते.