सोलापूर : शिवसेना उ‌द्धव बाळासाहेब ठाकरे पक्षाचे जिल्हाप्रमुख संतोष पाटील यांनी नव्याने  उभारलेल्या शिवसेना जिल्हा मध्यवर्ती कार्यालयाचा शुभारंभ गुरुवार दि. 22 मे रोजी सकाळी 10:30 वाजता विधान परिषदेचे विरोधी पक्षनेते अंबादास दानवे यांच्या उपस्थितीत होणार असल्याची माहिती शिवसेना जिल्हाप्रमुख संतोष पाटील यांनी पत्रकार परिषदेत दिली.

विजापूर रोडवरील सैफुल चौकात शिवालय शिवसेना जिल्हा व युवा सेना मध्यवर्ती कार्यालय साकारण्यात आले आहे. या उद्घाटन सोहळ्यास विधान परिषदेचे विरोधी पक्ष नेते अंबादास दानवे, खा. ओमराजे निंबाळकर, आ. दिलीप सोपल, कैलास पाटील प्रवीण स्वामी, सोलापूर जिल्हा संपर्कप्रमुख अनिल कोकीळ, माजी आ. शिवशरण पाटील, उपनेते शरद कोळी, उपनेत्या अस्मिता गायकवाड, लोकसभा क्षेत्र प्रमुख पुरुषोत्तम बरडे, जिल्हाप्रमुख गणेश वानकर, अजय दासरी, धनंजय ढिकोळे, संभाजी शिंदे, सिद्धाराम शीलवंत, लक्ष्मण जाधव, भीमाशंकर म्हेत्रे, प्रिया बसवंती, राजू बिराजदार, सि‌द्धाराम होनमोरे आणि पूजा खंदारे या प्रमुख मान्यवरांची उपस्थिती राहणार आहे.

आगामी निवडणुकीच्या पार्श्वभूमीवर अंबादास दानवे शिवसैनिकाला मार्गदर्शन यावेळी करणार आहेत. सोलापूर शहर - जिल्ह्यातील शिवसैनिकांना हक्काचे कार्यालय असावे अशी अनेक दिवसांपासूनची मागणी होती. परगावहून येणाऱ्या शिवसैनिकांना पक्षाशी आणि जिल्हाप्रमुखांशी समन्वय साधण्यासाठी या कार्यालयाचा उपयोग होणार आहे.

या पत्रकार परिषदेस शिवसेना उपनेत्या अस्मिता गायकवाड, खंडू सलगर, कृष्णा सुरवसे,  संतोष घोडके आदी उपस्थित होते.

सोलापूर - चिंचोळी काटी येथील गायराण जमीनीतील गट क्र. १४४/१ व एम.आय.डी.सी. मधील खुल्या जागेतील लाखो ब्रास बेकायदेशीर मुरुम उपसा होत आहॆ. यात शासनाचा लाखो रुपयांचा महसूल बुडत आहे तरी येथील मुरुम उपसा बंद करण्याची मागणी युवा सेनेच्या वतीने जिल्हाधिकारी यांच्या कडे निवेदनाद्वारे करण्यात आली आहे.

चिंचोली एमआयडीसी परिसरातील मुरुम माफियांनी मोहोळ तालुक्यातील काही अधिकाऱ्यांशी संगणमत करुन बेसुमार मुरुम उपसा केला आहे. शासनाचा महसूल बुडवण्यामध्ये या मुरुम माफियांचा व शासकीय अधिकाऱ्यांचा हात आहॆ. या मुरुम माफियांच्या शेतजमीनींवरती बोजा चडविण्यात यावा व ज्या कंपनीमध्ये हे मुरुम वापरले जात आहे त्या कंपनींवरती कारवाई करण्यात यावी, जेणेकरुन भविष्यामध्ये अशा प्रकारचे अनाधिकृत धाडस कोणी करणार नाही. व भविष्यात सोलापूर जिल्हा देखील बीड जिल्हाप्रमाणे येथे देखील माफिया निर्माण होऊ नयेत याची खबरदारी घ्यावी.

अशा विविध ठिकाणी आपण आपले पथक तात्काळ पाठून पंचनामा करण्यात यावे, अशी मागणी युवा सेनेचे अध्यक्ष बालाजी चौगुले यांनी जिल्हाधिकाऱ्यांकडे निवेदनात केले आहे. लवकर कारवाई न केल्यास शिवसेना स्टाईलने आंदोलन करण्यात येईल असा इशाराही चौगुले यांनी दिला आहे. गेल्या आठवड्यात पालकमंत्री जयकुमार गोरे यांनी एकही खडा मुरूम उपसा होणार नाही याची खबरदारी घ्यावी असे आदेश प्रशासनाला दिले होते. तरीही मोठ्या प्रमाणात मुरूम उपसा सुरू आहे त्यामुळे आता पालकमंत्री याकडे गांभीर्याने लक्ष देणार का असा सवालही बालाजी चौगुले यांनी विचारला आहे.

यावेळी युवती सेना जिल्हा प्रमुख पूजा खंदारे, उपजिल्हा प्रमुख खंडू सलगरकर , उपजिल्हा प्रमुख रवी कांबळे, लहू गायकवाड, विकास डोलारे, शिवा माळी, ओंकार उदावत, राकेश माळकवटे, तुषार अवताडे, आदित्य भोगडे, महावीर गांधी, शुभम शिवशरण यांच्यासह शिवसैनिक उपस्थित होते.

सोलापूर :  जम्मू काश्मीर येथील पहेलगाममध्ये जिहादी दहशतवाद्यांनी केलेल्या हल्ल्याच्या निषेधार्थ शिवसेना उद्धव बाळासाहेब ठाकरे पक्षाच्यावतीने बुधवारी पाकिस्तानचा झेंडा जाळत अंत्ययात्रा काढून तीव्र निषेध नोंदवण्यात आला. पहेलगाम प्रकरणी शिवसेना उद्धव बाळासाहेब ठाकरे पक्ष आक्रमक झाल्याचे पाहायला मिळाले. 

प्रारंभी धर्मवीर छत्रपती श्री संभाजी महाराज चौकात जमून शिवसैनिकांनी पाकिस्तानचा निषेध करत घोषणा दिल्या. गिन गिन के है बदला लेना जननी के अपमान का, नकसे परसे नाम मिटादो पापी पाकिस्तान का, भारतमाता की जय, वंदे मातरम्, जिसको चाहिये पाकिस्तान, उसको भेजो कब्रस्तान अशा घोषणा यावेळी देण्यात येत होत्या. यावेळी शिवसैनिकांनी पाकिस्तानचा झेंड्याला चपलेचा हार घातलेले फलक हाती धरले होते. 

यावेळी पुरुषोत्तम बरडे म्हणाले, जिहादी दहशतवाद्यांनी जम्मू कश्मीरमध्ये गेलेल्या हिंदूंना त्यांचा धर्म विचारून गोळ्या घातल्या हे निषेधार्ह आहे. भारताने त्वरित अशा दहशतवाद्यांवर अत्यंत कठोर कारवाई करून पाकिस्तानात घुसून संबंधितांना ठार मारले पाहिजे. तसेच भारतात राहून या दहशतवाद्यांना मदत करणाऱ्यांनाही तत्काळ संपवले पाहिजे. आगामी काळात बिहारच्या निवडणुका होणार आहेत. या निवडणुकांच्या पार्श्वभूमीवर हा हल्ला झाल्याने हा हल्ला राजकीय हेतूने प्रेरित आहे का अशीही शंका येत आहे. त्यामुळे पंतप्रधान नरेंद्र मोदी आणि गृहमंत्री अमित शहा यांच्यात खरोखर हिम्मत असेल तर त्यांनी पाकिस्तानला त्वरित धडा शिकवावा.

यावेळी शिवसेनेतर्फे धर्मवीर छत्रपती श्री संभाजी महाराज चौक ते छत्रपती श्री शिवाजी महाराज चौकापर्यंत पाकिस्तानचा झेंडा गुंडाळलेली तिरडी घेऊन अंतयात्रा काढण्यात आली. तसेच या तिरडीचे दहन छत्रपती श्री शिवाजी महाराज चौकात करण्यात आले. 

याप्रसंगी पुरुषोत्तम बरडे, गणेश वानकर, दत्तात्रय वानकर, ज्ञानेश्वर सपाटे, महेश धाराशिवकर, आशुतोष बरडे, सुरेश जगताप, विजय पुकाळे, दिनकर जगदाळे, तुषार खंदारे, प्रसन्न नाजरे, धनराज जानकर, रेवण पुराणिक, लहू गायकवाड, योगेश क्षीरसागर, सचिन सुरवसे, रविकांत गायकवाड, कृष्णा सुरवसे, बाळासाहेब माने, नाना मोरे, गजेंद्र माशाळ, शिवा कोळी, प्रशांत कदम, संभाजी कोडगे, रोहित सुरवसे, राहुल परदेशी, अण्णा गवळी, महेश गवळी, अजय अमनूर, विष्णुदास जवंजाळ, गणेश खानापुरे, संदीप भोसले, ओंकार सुतार, पंकज रणदिवे, लक्ष्मण शिंदे आदीसह बहुसंख्येने शिवसैनिक व हिंदुत्ववादी युवकांची उपस्थिती होती.

सोलापूर :  उपमुख्यमंत्री एकनाथ शिंदे यांच्या सोमवारी (दि.२१) होणाऱ्या जाहीर सभेची जोरदार तयारी माढा येथे सुरू आहे. उपमुख्यमंत्री एकनाथ शिंदे यांच्या हस्ते सकाळी ११.३० वाजता पृथ्वीराज सावंत यांच्या राजवी ऍग्रो ऑईल प्रा. लि. या कंपनीचा भूमिपूजन कार्यक्रम माढा येथे होणार असून यानंतर त्या ठिकाणी उपमुख्यमंत्री एकनाथ शिंदे यांची जाहीर सभा होणार आहे.

या सभेसाठी माढ्यातील शेटफळ रोड येथे १५० बाय ५०० चौरस फुटांचा भव्य मंडप उभारणीचे काम सुरू आहे. तसेच ६० बाय ४० चौरस फुटांचे भव्य व्यासपीठ उभारण्यात येत आहे. उपमुख्यमंत्री एकनाथ शिंदे यांना ऐकण्यासाठी हजारो शिवसैनिक येणार आहेत. त्यामुळे सभामंडपात २५ हजार खुर्च्या लावण्यात येत आहेत. या मंडप उभारणीच्या कामास शिवसेनेचे जिल्हा संपर्कप्रमुख प्रा. शिवाजीराव सावंत यांनी शुक्रवारी भेट देऊन पाहणी करत सूचना दिल्या. प्रचंड ऊन असल्यामुळे शिवसैनिकांना पिण्याच्या पाण्याची, भोजनाची, पार्किंगची तसेच सावलीची सोय योग्य प्रकारे होण्याबाबत प्रा. सावंत यांनी वैयक्तिक लक्ष घालून व्यवस्थेबाबत सूचना दिल्या.

आगामी काळात होणाऱ्या महानगरपालिका, जिल्हा परिषद तसेच नगरपालिका निवडणुकांच्यादृष्टीने उपमुख्यमंत्री एकनाथ शिंदे यांचा हा सोलापूर दौरा अत्यंत महत्त्वाचा आहे. या दौऱ्यात उपमुख्यमंत्री एकनाथ शिंदे शिवसैनिकांना भेटून  त्यांच्याशी संवाद साधणार आहेत. त्यामुळे शिवसेनेच्या सोलापूर जिल्ह्यातील विस्तारासाठी तसेच शिवसेना पदाधिकारी आणि शिवसैनिकांमध्ये ऊर्जा भरण्यासाठी उपमुख्यमंत्री एकनाथ शिंदे यांचा हा दौरा फलदायी ठरेल, असे सोलापूर जिल्हा शिवसेना संपर्कप्रमुख प्रा. शिवाजीराव सावंत यांनी सांगितले. सोमवारी होणाऱ्या जाहीर सभेसाठी सोलापूर जिल्ह्यातील सर्व शिवसेना पदाधिकारी आणि शिवसैनिकांनी मोठ्या संख्येने उपस्थित रहावे, असे आवाहनही शिवसेनेचे जिल्हा संपर्कप्रमुख प्रा. शिवाजीराव सावंत यांनी केले.

सोलापूर : उपमुख्यमंत्री एकनाथ शिंदे यांची २१ एप्रिल रोजी माढा येथे जाहीर सभा होणार असून या सभेसाठी सोलापुरातून हजारो शिवसैनिक जाणार आहेत, अशी माहिती शिवसेनेचे जिल्हा संपर्कप्रमुख प्रा. शिवाजीराव सावंत यांनी बुधवारी शिवसेनेच्या बैठकीत दिली. शासकीय विश्रामगृहात शिवसेनेची बैठक पार पडली. 

२१ रोजी सकाळी १०.३० वाजता पृथ्वीराज सावंत यांच्या राजवीर ऍग्रो ऑईल प्रा. लि. या कंपनीचा भूमिपूजन कार्यक्रम माढा येथे होणार असून यानंतर त्या ठिकाणी उपमुख्यमंत्री एकनाथ शिंदे यांची जाहीर सभा होणार आहे. या सभेच्या तयारीचा आढावा शिवसेना जिल्हा संपर्कप्रमुख प्रा. शिवाजीराव सावंत यांनी बुधवारी बैठकीत घेतला.

जिल्हा संपर्कप्रमुख प्रा. शिवाजीराव सावंत म्हणाले, शिवसेनेच्या पदाधिकाऱ्यांनी आणि शिवसैनिकांनी ही सभा यशस्वी करण्यासाठी जोरदार तयारी करावी. आगामी काळात होणाऱ्या महानगरपालिका, जिल्हा परिषद तसेच नगरपालिका निवडणुकांच्यादृष्टीने उपमुख्यमंत्री एकनाथ शिंदे यांचा हा सोलापूर दौरा अत्यंत महत्त्वाचा आहे. या दौऱ्यात उपमुख्यमंत्री एकनाथ शिंदे शिवसैनिकांना भेटून त्यांची मते जाणून घेणार आहेत. शिवसेना पक्षाच्या सोलापूर जिल्ह्यातील विस्तारासाठी उपमुख्यमंत्री एकनाथ शिंदे यांच्या या दौऱ्याचा मोठा उपयोग होणार असल्याने शिवसैनिकांनी हजारोंच्या संख्येने या जाहीर सभेस उपस्थिती लावावी, असेही शिवसेना जिल्हा संपर्कप्रमुख प्रा. शिवाजीराव सावंत यांनी याप्रसंगी सांगितले.

शिवसेना सोलापूर जिल्हाप्रमुख अमोल शिंदे म्हणाले, लोकसभा आणि विधानसभा या नेत्यांच्या निवडणुका होत्या. आता महानगरपालिका, जिल्हा परिषद, नगरपालिका या कार्यकर्त्यांच्या निवडणुका समोर आहेत. त्यामुळे शिवसैनिकांनी उपमुख्यमंत्री एकनाथ शिंदे यांच्या जाहीर सभेसाठी मोठ्या प्रमाणावर प्रयत्न करावेत. या जाहीर सभेतून शिवसेनेचे शक्तिप्रदर्शन होणार आहे. जाहीर सभेची तयारी म्हणजे पक्षकार्याची संधी म्हणून शिवसैनिकांनी याकडे पहावे असे आवाहनही शिवसेना जिल्हाप्रमुख अमोल शिंदे यांनी याप्रसंगी केले.

मनोज शेजवाल म्हणाले, शिवसेना पदाधिकारी आणि शिवसैनिकांनी शाखानिहाय बैठका घेऊन  शिवसैनिकांसोबत मोठ्या संख्येने उपमुख्यमंत्री एकनाथ शिंदे यांच्या जाहीर सभेस उपस्थित रहावे.

या बैठकीस शिवसेनेचे माजी शहर प्रमुख मनोज शेजवाल, सोलापूर शहर प्रमुख सचिन चव्हाण, अमर पाटील, युवासेना शहर प्रमुख समर्थ मोटे, शिवसेना उपजिल्हाप्रमुख नवनाथ चव्हाण, राजू शिंदे, शशी शिंदे, अक्षय बिद्री, संजय सरवदे, समर्थ बिराजदार, युवा सेनेचे राज्य कार्यकारिणी सदस्य सुजित खुर्द, महिला आघाडी संपर्कप्रमुख अनिता माळगे, जिल्हाप्रमुख रवीना राठोड, शहर प्रमुख जयश्री पवार, अनिता गवळी, संगीता खांबसकर , मनीषा नलावडे, सुनंदा साळुंखे, युवा सेनेचे रणजीत भंडारे, नामदेव पाटील, रोहन चौगुले, राज मिसाळ आदी उपस्थित होते.

भगव्या साड्या अन् भगव्या फेट्यांनी रंगणार सभा

उपमुख्यमंत्री एकनाथ शिंदे यांच्या सभेसाठी सोलापुरातून हजारो महिला भगव्या रंगाची साडी परिधान करून सभेस उपस्थिती लावणार आहेत. तर हजारो शिवसैनिक भगवे फेटे बांधून सभेला जाणार आहेत. त्यामुळे भगव्या साड्या आणि भगव्या फेट्यांनी ही जाहीर सभा रंगणार आहे, असे प्रा. शिवाजीराव सावंत यांनी सांगितले.

सोलापूर - बाबू जगजीवन झोपडपट्टीमध्ये जिया व ममता या दोन मुली मृत पावलेल्या मुलींच्या फोटोला हार घालून आई-वडिलांच्या हस्ते मोदी परिसरात आरोग्यवर्धिनी केंद्राचे भूमिपूजन करण्यात आले.

सोलापूर मधील बाबू जगजीवन झोपडपट्टी दूषित पिण्याच्या पाण्यामुळे दोन मुली मृत्यू पावल्या होत्या, याच्या विरोधात शिवसेनेच्या राज्यप्रवक्त्या प्रा. डॉ. ज्योती वाघमारे यांच्या नेतृत्वात शिवसेनेने सोलापूर महानगरपालिकेवर आंदोलन करत  त्या मुलींना आर्थिक मदत मिळावी व त्या भागातील 85 गाळा येथील  तत्कालीन मुख्यमंत्री एकनाथ शिंदे यांनी मंजूर केलेला हिंदुहृदय सम्राट बाळासाहेब ठाकरे आपला दवाखाना त्वरित सुरू व्हावा  अशी मागणी केली होती.

या आंदोलनानंतर पालकमंत्री जयकुमार गोरे यांनी या झोपडपट्टी भागात त्या मृत मुलीच्या कुटुंबियांची भेट घेऊन त्यांना पालकमंत्री यांच्याकडून एक लाख व महाराष्ट्र राज्य शासनाकाढून  पाच लाख रुपयाची मदत जाहीर केली होती व दवाखाना  त्वरित सुरू करण्याचे आदेश दिले होते.

पालकमंत्र्यांच्या आदेशानंतर आज मोदी येथील 85 गाळा आरोग्यवर्धिनीचे उद्घाटन करण्यात आले यामुळे येथील गोरगरीब नागरिकांनां त्या परिसरातच आरोग्य सेवा मिळणार आहे, विविध 85 प्रकारच्या मोफत तपासण्या  ह्या दवाखान्यात करता येथील , तसेच रक्तदाब  व मधुमेह  या आजाराचे औषधही मोफत मिळणार आहेत जास्तीत जास्त लोकांनी आरोग्य तपासणी करून घ्यावे असे आवाहन  महानगरपालिका  आरोग्य अधिकारी राखी माने मॅडम यांनी केले.

प्रा. डॉ. ज्योती वाघमारे यांनी तत्कालीन मुख्यमंत्री एकनाथ शिंदे साहेबांकडून या भागात सहा महिन्यापूर्वीच हिंदुरुदय सम्राट आपला दवाखाना मंजूर झालेला होता. पण काही मोजक्या लोकांच्या अडमुठेपणा विरोध केल्यामुळे तो दवाखाना सुरू झाला नव्हता तो दवाखाना सुरू असता तर त्या मुलींना लवकर उपचार  मिळाला असता व ही दुर्घटना टळली असती, अशी खंत  व्यक्त केली.

या भागातील नागरिकांना आरोग्याच्या, शैक्षणिक व कोणत्याही समस्या असतील तर युवा सैनिकांशी संपर्क साधावा, व युवासेनेच्या  पदाधिकाऱ्यांनी नागरिकांच्या छोट्या-मोठ्या अडचणी  शासनाच्या माध्यमातून सोडवण्याचा प्रामाणिक प्रयत्न करावा, यासाठी जी काही शासकीय मदत असेल ती मदत  प्रा.डॉ.ज्योती वाघमारे यांच्या माध्यमातून देवेंद्र फडणवीस साहेब, उपमुख्यमंत्री एकनाथ शिंदे साहेब, अजित पवार, पालकमंत्री  जयकुमार गोरे, आमदार देवेंद्र कोठे यांच्याकडून सोडवण्याचा प्रामाणिक  प्रयत्न करू असे वक्तव्य  युवा सेना जिल्हाप्रमुख प्रियदर्शन साठे यांनी.

यावेळी शिवसेना राज्य प्रवक्त्या प्रा.डॉ ज्योती वाघमारे, युवा सेना जिल्हाप्रमुख प्रियदर्शन साठे, आरोग्य अधिकारी  राखी माने,  मोची समाज युवक अध्यक्ष रतिकांत कमलापुरे, अविनाश बेंजर्पे, दीपक पाटील, भीमा मरेडी, गणेश तुपदोळे, सचिन गुंटूनुळ, अविनाश जाधव स्वप्निल कांबळे व महानगरपालिकेचे आरोग्य अधिकारी उपस्थित होते.

सोलापूर - एमआयडीसी परिसरातील आशा नगर येथील श्री आद्य जगद्गुरु देवरदासमय्या हटगार कोष्टी  समाज सामाजिक संस्था या जागेवर महाराष्ट्र राज्याचे तत्कालीन मुख्यमंत्री एकनाथ शिंदे यांच्या विशेष निधीतून शिवसेनेच्या राज्य प्रवक्त्या प्रा. डॉ. ज्योतीताई वाघमारे यांच्या विशेष प्रयत्नातून श्रींच्या सभामंडपासाठी १० लाख रुपये निधी मंजूर झाला होता त्या सभा मंडपाचा लोकार्पण शिवसेनेच्या राज्य प्रवक्त्या फायर ब्रँड नेत्या प्राध्यापक डॉक्टर ज्योतीताई वाघमारे यांच्या हस्ते लोकार्पण करण्यात आले याप्रसंगी हटगार कोष्टी समाजाचे अध्यक्ष सिध्दाराम निंबाळ, सोलापूर जिल्हा युवासेनेचे जिल्हाप्रमुख प्रियदर्शन साठे, ज्येष्ठ पत्रकार धनंजय मोरे, यांच्या उपस्थितीत करण्यात आले. 

या उद्घाटन सोहळ्याप्रसंगी समाजातील जेष्ठ व्यक्ती बसलींगप्पा नंदर्गि,चनबसप्पा अतनुरे, जन्मोत्सव उत्सव अध्यक्ष राजशेकर श्रीगण आदिंसह हटगार कोष्टी समाज सामाजिक संघटनेचे पदाधिकारी सदस्य आणि समाज बांधवांची उपस्थिती होती. आद्य जगद्गुरु देवरदासमय्या यांच्या जन्मोत्सव सोहळ्यानिमित्त रथोत्सव मिरवणुकी दरम्यान प्रा.डॉ.ज्योतीताई वाघमारे यांचा सत्कार यावेळी संस्थेच्या वतीनं करण्यात आला. 

येणाऱ्या काळामध्ये महाराष्ट्र राज्याचे उपमुख्यमंत्री एकनाथ शिंदे यांच्या नेतृत्वाखाली हटगार कोष्टी समाजातील बांधवांच्या विविध प्रश्न मार्गी लावू अशी ग्वाही यावेळी प्रा. डॉ. ज्योतीताई वाघमारे यांनी दिलं. यावेळी समाज बांधवांनी देखील प्रा. डॉ.ज्योतीताई वाघमारे यांचे आभार मानत पुढील काळात समाजासाठी आपले भरीव कार्य आपल्या हातून घडो अशी आशा देखील यावेळी व्यक्त केली. या कार्यक्रमाचे सूत्रसंचालन गुळेश अतनुरे यांनी केले तर आभार संतोष मड्डे  यांनी मानले.

सोलापूर - शिवसेना हिंदू हृदय सम्राट बाळासाहेब ठाकरे, शिवसेना वैद्यकीय मदत कक्ष तथा डॉक्टर श्रीकांत शिंदे फाउंडेशन सोलापूरच्या गफूर शेख यांची शहर प्रमुख पदी निवड करण्यात आली. यावेळी शिवसेना पक्षप्रमुख उपमुख्यमंत्री एकनाथ शिंदे व वैद्यकीय सहाय्यता कक्ष तथा विशेष कार्यकारी अधिकारी मंगेश चिवटे या दोघांच्या हस्ते नियुक्तीपत्र देण्यात आले. नुकत्याच झालेल्या मीटिंगमध्ये गफूर शेख यांची शिवसेना अल्पसंख्यांक महानगर प्रमुख सोलापूर शहर पदी निवड करण्यात आली आहे.

अनेक दिवसापासून शिवसेना पक्षाचे जोर वाढताना दिसत आहे. मागील निवडणुकीमध्ये शिवसेना शिंदे गटाने एक मोठा खारीचा वाटा सरकार स्थापनेमध्ये केला. ज्यावेळेस एकनाथ शिंदे यांनी स्वतंत्र शिवसेना पक्षाची स्थापना केली. सोलापूरचे अल्पसंख्यांक अध्यक्ष व अल्पसंख्यांक सेल हे पूर्णपणे रिक्त झाले होते. त्यातच गफूर शेख यांनी शिवसेना मध्ये प्रवेश करून ती पोकळी भरून काढली. नुकत्याच झालेल्या मीटिंगमध्ये गफूर शेख यांची शिवसेना अल्पसंख्यांक महानगर प्रमुख सोलापूर शहर पदी निवड करण्यात आली आहे.

यावेळी महाराष्ट्राचे संवेदनशील उपमुख्यमंत्री एकनाथ शिंदे, खासदार डॉक्टर श्रीकांत शिंदे यांच्या मार्गदर्शनाखाली अल्पसंख्यांक महाराष्ट्राचे प्रदेशाध्यक्ष सईद खान यांच्या हस्ते हे नियुक्तीपत्र देण्यात आले. नीयुक्तीपत्र देताना मंगेशी चिवटे यांनी जो विश्वास गफूर शेख यांच्यावर दाखवलेला आहे तो विश्वास खरा ठरवावा असेही प्रतिपादन मुख्य उपमुख्यमंत्री एकनाथ शिंदे यांनी गफूर यांना जबाबदारी दिली.

गफूर शेख यांची निवड झाल्यामुळे शहरातील संपूर्ण समाजाकडून त्यांचे अभिनंदन करण्यात येत आहे.

सोलापूर - शहर व जिल्ह्यातील रुग्णालयांनी धर्मादाय कायद्या अंतर्गत नोंदणी केलेली आहे अशा रुग्णालयांनी रुग्णांसाठी सवलतीच्या दरात किंवा मोफत उपचार देणे हे बंधनकारक आहे धर्मादाय कायद्याअतर्गत शासनाने ठरवून दिलेला कोटा हा रुग्णांसाठी राखीव ठेवणे अनिवार्य आहे परंतु सोलापूर शहर व जिल्ह्यातील अनेक रुग्णालये यांचे पालन करत नाहीत रुग्णांना उपचार देण्यास टाळाटाळ करतात. रुग्णसेवा ही ईश्वरसेवा असे ब्रीद आहे परंतु अनेक रुग्णालये ही वैद्यकीय सेवेचा धंदा उघडून बसली आहेत रुणांकडून वारे माप व बेसुमार पैशांची लूट करणे असे प्रकार निदर्शनास येत आहेत.

नुकत्याच पुण्यातील दीनानाथ मंगेशकर हॉस्पिटलमध्ये उपचारा विना एका निष्पाप महिलेचा जीव गेला आहे असे भविष्यात सोलापूर शहर व जिल्ह्यात घडू नये यासाठी धर्मादाय कायद्या अंतर्गत नोंदणी असलेल्या प्रत्येक रुग्णालयाने मेन प्रवेशद्वारावर वैद्यकीय उपचाराच्या दराचे डिजिटल फलक किंवा डॅशबोर्ड लावणे बंधनकारक आहे. जी रुग्णालये याचे पालन करणार नाहीत त्यांना शिवसेना स्टाईलने सरळ करण्यात येईल व सोलापूर शहर व जिल्ह्यातील ज्या रुग्णांना धर्मादाय कायद्या अंतर्गत उपचार मिळत नाहीत त्यांनी सात रस्ता परिसरातील शिवसेना भवन  येथील कार्यालयात संपर्क साधावा असे आवाहन शिवसेना जिल्हाप्रमुख मनिष काळजे यांनी केले आहे.

ज्या रुग्णांना रुग्णालय उपचार नाकारण्यात येतील त्या हॉस्पिटलला शिवसेना स्टाईलने धडा शिकवण्यात येईल असा सज्जड दम शिवसेना जिल्हाप्रमुख मनिष काळजे यांनी सर्व रुग्णालयांना दिला आहे जे रुग्णालये या कायद्याचा अंमल करणार नाहीत त्या हॉस्पिटलची गय केली जाणार नसल्याचेही त्यांनी यावेळी आवर्जून सांगितलं